Гимн Министерства труда и социальной защиты

У нашым шчырым жаданні дабра

Для людзей і любімай Радзімы,

З мноства розных прафесій і спраў

Мы зрабілі свой выбар адзіны.

Мы ў адказе за лёсы людзей,

Мы іх клопаты лічым сваімі.

Стала лёсам тваім і маім

Сацыяльная служба краіны.

Наша служба ў турбоце заўжды,

Каб у пашане жылі ветэраны,

Каб магчымасць была ў маладых

Здейсніць самыя смелыя планы.

Мы ў адказе за лёсы людзей,

За іх права на годную працу,

І каб кожны дамоў чалавек

Мог з работы здаровым вяртацца.

Наша мэта – каштоўнасць сям’і,

Бацькаў клопат і матчына ласка,

Звонкі смех, смелы погляд дзяцей,

Адчуванне сямейнага шчасця.

Мы ў адказе за лёсы людзей

І працуем з жаданнем адзіным,

Каб яны на жыццёвым шляху

Адчувалі падтрымку краіны.