З друку выйшаў сакавіцкі выпуск «Бюлетэня Міністэрства працы і сацыяльнай абароны Рэспублікі Беларусь»

Яго сфарміравалі публікацыі і інфармацыя, падрыхтаваныя спецыялістамі ў галіне працоўных і звязаных з імі адносін і адлюстроўваючыя важныя і цікавыя падзеі ў гэтай сферы. 

САЦЫЯЛЬНАЯ АБАРОНА 

Пад гэтай рубрыкай апублікавана пастанова Савета Міністраў Рэспублікі Беларусь ад 9 сакавіка 2026 г. № 113 «Аб матэрыяльнай дапамозе асобным катэгорыям грамадзян да Дня Перамогі ў 2026 годзе». Дакументам вызначаны катэгорыі грамадзян (атрымальнікаў пенсіі ад Рэспублікі Беларусь і (або) з іншых дзяржаў у адпаведнасці з міжнароднымі дагаворамі Рэспублікі Беларусь у галіне сацыяльнага (пенсійнага) забеспячэння ,якія пастаянна пражываюць у Рэспубліцы Беларусь), якім будзе аказана матэрыяльная дапамога да Дня Перамогі ў 2026 г., а таксама памеры такой матэрыяльнай дапамогі. 

ПРАЦОЎНЫ ЧАС 

Артыкул «Аб працоўным часе у II квартале 2026 года» змяшчае разліковую норму працоўнага часу на красавік–чэрвень 2026 г. пры поўнай норме працоўнага часу 40 гадзін у тыдзень і пры скарочанай норме працоўнага часу 35 гадзін, 33 гадзіны, 30 гадзін і 38,5 гадзін. суботу і нядзелю (для пяцідзённага працоўнага тыдня) і ў нядзелю (для шасцідзённага працоўнага тыдня).

Акрамя разліковай нормы працоўнага часу аўтар дае рэкамендацыі адносна таго, як з захаваннем патрабаванняў заканадаўства прымяняць на практыцы некаторыя прававыя нормы аб працоўным часе.

Раздзел «Дакладны адказ» прадстаўлены падборкай адказаў на пытанні аб прымяненні норм заканадаўства, якое рэгулюе розныя аспекты выкарыстання працоўнага часу.

АПЛАТА ПРАЦЫ 

У артыкуле «Прэміраванне па KPI: дамагаемся высокай выніковасці ў працы пры зніжэнні выдаткаў» разглядаюцца пытанні практычнага прымянення аднаго са спосабаў прэміравання, а менавіта прэміравання па ключавых паказчыках эфектыўнасці (Key Performance Indicators (англ.) – KPI). Такое прэміраванне прадугледжвае прамую залежнасць памеру заахвочвання ад вынікаў работы падраздзяленняў і асобных работнікаў, а дакладней ад выканання імі найбольш важных для камерцыйнай арганізацыі вымяраных эканамічных паказчыкаў. 

ЭКАНОМІКА ПРАЦЫ 

У артыкуле «Задача – павысіць прадукцыйнасць працы: распрацоўваем план мерапрыемстваў, аналізуем іх значэнне» яе аўтар, кіруючыся методыкай эканамічных разлікаў, прапанаванай у свой час эканамістамі І.А. Паляковым і К.С. Рэмізавым у іх «Даведніку эканаміста па працы», дэманструе парадак разлікаў, дапамагае разабрацца ў тым, як прымяняюцца пры гэтым формулы, а таксама праводзіць непасрэдныя разлікі прадукцыйнасці працы, тлумачачы, як розныя мерапрыемствы па асобнасці і ў сукупнасці здольныя стымуляваць у арганізацыі рост прадукцыйнасці працы. 

ДЗЯРЖАЎНАЕ САЦЫЯЛЬНАЕ СТРАХАВАННЕ 

Раздзел «Дакладны адказ» прадстаўлены вялікай падборкай адказаў на пытанні са сферы дзяржаўнага сацыяльнага страхавання. 

ПАДАТКААБКЛАДАННЕ 

Пад дадзенай рубрыкай апублікаваны ліст Міністэрства па падатках і зборах Рэспублікі Беларусь ад 2 сакавіка 2026 г. № 3-2-11/00465 «Аб падаткаабкладанні атрыманых фізічнымі асобамі ў сувязі з выхадам на пенсію выхадных дапамог, якія выплачваюцца ў парадку і на ўмовах, прадугледжаных калектыўным дагаворам, пагадненнем». 

ПЕРСАНІФІКАВАНЫ УЛІК 

Раздзел «Дакладны адказ»прадстаўлены падборкай адказаў на пытанні аб прымяненні норм заканадаўства, якое рэгулюе розныя аспекты персаніфікаванага ўліку. 

І, вядома, у свежым нумары «Бюлетэня» можна знайсці іншыя інфармацыйныя матэрыялы, у тым ліку «Стужку навін» і «Агляд нарматыўных прававых актаў», якія ўвабралі ў сябе цікавыя і карысныя навіны са сферы сацыяльна-працоўных адносін.

Падпісацца на «Бюлетэнь Міністэрства працы і сацыяльнай абароны Рэспублікі Беларусь» можна:

– у любым аддзяленні РУП «Белпошта»: падпісны індэкс у каталогу – 74819 (748192);

– в редакциипа тэлефоне +375 17 203 14 42. Спасылка для атрымання дадатковай інфармацыі – «Бюлетэнь».