Анонс «Бюлетэня Міністэрства працы і сацыяльнай абароны Рэспублікі Беларусь», ліпень 2023 г.

• «Актуальна»
• «Сацыяльная падтрымка»
• «Працоўныя адносіны»
• «Дзяржаўнае сацыяльнае страхаванне»

 АКТУАЛЬНА 

Рубрыку «Актуальна» адкрывае артыкул «Дакумент атрымаўся збалансаваным»: якія змены чакаюць Працоўны кодэкс». Гэта – своеасаблівая справаздача аб рабоце прэс-канферэнцыі, прысвечанай навацыям Працоўнага кодэкса, якія ўступяць у сілу з 1 студзеня 2024 г. У ходзе прэс-мерапрыемства намеснік Міністра працы і сацыяльнай абароны Рэспублікі Беларусь Ігар Старавойтаў расказаў аб асноўных змяненнях у працоўным заканадаўстве, а «Бюлетэнь» цяпер расказвае пра гэта сваім чытачам: часу да 1 студзеня засталося не так ужо і шмат, і важна, каб кіраўнікі і спецыялісты арганізацый дакладна разумелі, як зменіцца рэгуляванне ў сферы працы.

«Прававая база, якая рэгламентуе адносіны ў сферы сацыяльнага абслугоўвання, будзе ўдасканалена» – гэта кароткая інфармацыя аб праекце закона «Аб змяненні законаў па пытаннях сацыяльнага абслугоўвання», які цяпер знаходзіцца на разглядзе дэпутатаў Ніжняй палаты беларускага Парламента.

САЦЫЯЛЬНАЯ ПАДТРЫМКА 

Падтрымка сем'яў з дзецьмі з'яўляецца ў Рэспубліцы Беларусь нацыянальным прыярытэтам. Для ўсебаковай падтрымкі такіх сем'яў у краіне рэалізуецца шэраг мер з асаблівым акцэнтам на шматдзетныя сем'і, адна з якіх – праграма «Сямейны капітал», якая дзейнічае з 2015 г. У артыкуле «Прыняты дадатковыя меры, накіраваныя на мэтавае выкарыстанне сямейнага капіталу пры вырашэнні жыллёвага пытання» расказваецца аб тым, якія крокі па недапушчэнні неэфектыўнага і нямэтавага расходавання сродкаў сямейнага капіталу зроблены з уступленнем у сілу пастановы Савета Міністраў Рэспублікі Беларусь ад 6 ліпеня 2023 г. № 446. 

ПРАЦОЎНЫЯ АДНОСІНЫ 

У артыкуле «Брыгадная арганізацыя працы: што трэба ведаць, каб наладзіць працу вытворчага падраздзялення?» аўтары прапануюць кіраўнікам і спецыялістам вытворчых падраздзяленняў свае падрабязныя рэкамендацыі адносна таго, як ствараць брыгады, а таксама ў далейшым аптымізаваць і ўдасканальваць іх працу.

 ДЗЯРЖАЎНАЕ САЦЫЯЛЬНАЕ СТРАХАВАННЕ 

«Налічваць абавязковыя страхавыя ўнёскі ці не налічваць? ФСАН дае адказы на папулярныя пытанні плацельшчыкаў» – так называецца артыкул, у якім прадстаўнікі Фонду ў сувязі з карэкціроўкамі норм заканадаўства (маецца на ўвазе прыняцце пастановы Савета Міністраў Рэспублікі Беларусь ад 3 чэрвеня 2023 г. № 366) тлумачаць пытанні, якія найбольш часта ўзнікаюць у практычнай дзейнасці плацельшчыкаў абавязковых страхавых узносаў у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь. Адначасова тлумачыцца прымяненне норм Пераліку № 115 у сітуацыях, прававое рэгуляванне ў якіх хоць і не змянілася з 8 чэрвеня 2023 г., але з'яўляецца актуальным для суб'ектаў гаспадарання.

У раздзеле«Дакладны адказ» размешчана вялікая падборка адказаў на пытанні па тэматыцы рубрыкі. 

І, вядома, у свежым нумары «Бюлетэня» як звычайна можна знайсці іншыя інфармацыйныя матэрыялы і паведамленні, у тым ліку «Стужку навін» і «Агляд нарматыўных прававых актаў», якія ўвабралі ў сябе самыя цікавыя і карысныя навіны са сферы сацыяльна-працоўных адносін за ліпень. 2023 г.