І.Касцевіч: У 2023 годзе праектам Закона прадугледжана павелічэнне даходаў ФСАН на 16 працэнтаў
Міністр працы і сацыяльнай абароны Ірына Касцевіч прадставіла дэпутатам Палаты прадстаўнікоў Нацыянальнага сходу Рэспублікі Беларусь праект Закона Рэспублікі Беларусь “Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2023 год”.
Даходная частка бюджэту фонду ў 2023 годзе павялічыцца на 16 працэнтаў і складзе 25,2 млрд. рублёў.
Асноўнай крыніцай даходаў будуць з'яўляцца ўзносы на дзяржаўнае сацыяльнае страхаванне, якія складуць 22,8 млрд. рублёў, або каля 90 працэнтаў даходнай часткі бюджэту фонду.
Сума ўзносаў на дзяржаўнае сацыяльнае страхаванне сфарміравана з абавязковых страхавых узносаў (работадаўцаў у памеры 34 працэнты ад фонду аплаты працы і работнікаў у памеры 1 працэнта ад заработнай платы) – 22,5 млрд. рублёў і ўзносаў работадаўцаў на прафесійнае пенсійнае страхаванне – 278 млн. рублёў.
Непадатковыя даходы бюджэту фонду складуць 503,8 млн. рублёў. Гэта даходы ад размяшчэння сродкаў прафесійнага пенсійнага страхавання, працэнты, што выплачваюцца банкамі за карыстанне грашовымі сродкамі бюджэту фонду, штрафы за парушэнне заканадаўства аб дзяржаўным сацыяльным страхаванні і інш.
Субвенцыі, якія перадаюцца па заканадаўстве з рэспубліканскага бюджэту ў бюджэт фонду, складуць 1,9 млрд. рублёў, у тым ліку на фінансаванне нестрахавых выплат – 1,3 млрд. рублёў.
Расходная частка бюджэту фонду павялічыцца на 16 працэнтаў і складзе 24,7 млрд. рублёў.
Асноўную частку бюджэту фонду ў 2023 годзе плануецца накіравацьна фінансаванне пенсій – 18,8 млрд. рублёў (76 працэнтаў) і на выплату ўсіх відаў дапамог– 5,5 млрд. рублёў (22 працэнты).
У бюджэце фонду на 2023 год прадугледжаны штоквартальны пераразлік мінімальных працоўных і сацыяльных пенсій, павышэнняў і надбавак да пенсій, а таксама павышэнне працоўных пенсій– не менш за адзін раз у год.
Адносна дапамог прадугледжаны штоквартальны пераразлік шэрага дзяржаўных дапамог сем'ям з дзецьмі, а таксама дапамог па доглядзе інваліда І групы або асобы, якая дасягнула 80-гадовага ўзросту. Два разы на год запланаваны пераразлік штомесячных дапамог па доглядзе дзіцяці ва ўзросце да 3 гадоў.
Акрамя таго, з бюджэту фонду плануецца накіраваць сродкі на фінансаванне мерапрыемстваў па забеспячэнні занятасці насельніцтва ў суме 31,5 млн. рублёў і санаторна-курортнага лячэння і аздараўлення– 56,2 млн. рублёў.
Закон уступае ў сілу з 1 студзеня 2023 г.