Анонс «Бюлетэня Міністэрства працы і сацыяльнай абароны Рэспублікі Беларусь» № 9 за 2025 г.

З друку выйшаў вераснёўскі выпуск «Бюлетэня Міністэрства працы і сацыяльнай абароны Рэспублікі Беларусь» – № 9.

АКТУАЛЬНА

Інфармацыйнае паведамленне, размешчанае пад гэтай рубрыкай, прысвечана мерапрыемствам, якія адбыліся ў Мінску 17-19 верасня 2025 г. у рамках супрацоўніцтва дзяржаў – удзельніц СНД у галіне нарміравання працы. Так, у беларускай сталіцы гэтымі днямі праходзілі Міжнародная канферэнцыя «Развіццё сістэм нарміравання працы ў дзяржавах-удзельніцах СНД: сучасныя падыходы і рашэнні» і пасяджэнне Грамадскага савета базавых арганізацый у сферы метадычнага і арганізацыйна-тэхнічнага забеспячэння работ у галіне нарміравання працы і па падрыхтоўцы, перападрыхтоўцы і павышэнні кваліфікацыі. У якасці іх арганізатараў выступілі ў тым ліку Міністэрства працы і сацыяльнай абароны Рэспублікі Беларусь і Навукова-даследчы інстытут працы Міністэрства працы і сацыяльнай абароны Рэспублікі Беларусь – базавая арганізацыя дзяржаў-удзельніц СНД у сферы метадычнага і арганізацыйна-тэхнічнага забеспячэння работ у галіне нарміравання працы.

ПРАЦОЎНЫ ЧАС

Артыкул «Аб рабочым часе ў IV квартале 2025 года» змяшчае разліковую норму працоўнага часу на кастрычнік-снежань 2025 г. пры поўнай норме працоўнага часу 40 гадзін у тыдзень і пры скарочанай норме працоўнага часу 35 гадзін, 33 гадзіны, 30 гадзін і 38,5 гадзін. суботу і нядзелю (для пяцідзённага працоўнага тыдня) і ў нядзелю (для шасцідзённага працоўнага тыдня).

Акрамя разліковай нормы працоўнага часу аўтар дае рэкамендацыі адносна таго, як з захаваннем патрабаванняў заканадаўства прымяняць на практыцы некаторыя прававыя нормы аб працоўным часе.

Раздзел «Дакладны адказ» прадстаўлены падборкай адказаў на пытанні аб прымяненні норм заканадаўства, якое рэгулюе розныя аспекты выкарыстання працоўнага часу.

ДЗЯРЖАЎНАЕ САЦЫЯЛЬНАЕ СТРАХАВАННЕ

Раздзел «Дакладны адказ» прадстаўлены вялікай падборкай адказаў на пытанні са сферы дзяржаўнага сацыяльнага страхавання.

У артыкуле «Догляд за хворым членам сям'і: улічваем асаблівасці афармлення лістка непрацаздольнасці і не дапускаем памылкі пры прызначэнні дапамогі» аўтар дапамагае спецыялістам разабрацца ў некаторых асаблівасцях афармлення лісткоў непрацаздольнасці і прызначэнні дапамог па часовай непрацаздольнасці ў выпадках, калі такая непрацаздольнасць работніка выклікана неабходнасцю догляду за хворым членам сям'і.

ПЕРСАНАЛЬНЫЯ ДАДЗЕНЫЯ

У артыкуле «Парушэнне заканадаўства аб персанальных дадзеных: асаблівасці прыцягнення да дысцыплінарнай адказнасці» аўтар аналізуе сувязь дысцыплінарных правін з невыкананнем (неналежным выкананнем) работнікамі сваіх працоўных абавязкаў у частцы апрацоўкі персанальных дадзеных, што ў канчатковым рахунку прыводзіць да прымянення мер дысцыплінарнай адказнасці.

Раздзел «Дакладны адказ» прадстаўлены падборкай адказаў на пытанні аб прымяненні норм заканадаўства, якое рэгулюе розныя аспекты апрацоўкі і абароны персанальных дадзеных.

ЗАНЯТАСЦЬ НАСЕЛЬНІЦТВА

Пад гэтай рубрыкай апублікавана пастанова Міністэрства працы і сацыяльнай абароны Рэспублікі Беларусь ад 4 жніўня 2025 г. № 72 «Аб функцыянаванні інфармацыйнага партала дзяржаўнай службы занятасці». Дакумент вызначае парадак функцыянавання інфармацыйнага партала дзяржаўнай службы занятасці. 

І, вядома, у свежым нумары «Бюлетэня» можна знайсці іншыя інфармацыйныя матэрыялы, у тым ліку «Стужку навін» і «Агляд нарматыўных прававых актаў», якія ўвабралі ў сябе цікавыя і карысныя навіны са сферы сацыяльна-працоўных адносін.

Падпісацца на «Бюлетэнь Міністэрства працы і сацыяльнай абароны Рэспублікі Беларусь» можна:

– у любым аддзяленні РУП «Белпошта»: падпісны індэкс у каталогу – 74819 (748192);

– в редакциипа тэлефоне +375 17 203 14 42. Спасылка для атрымання дадатковай інфармацыі – «Бюлетэнь».