Анонс Бюлетэня Міністэрства працы і сацыяльнай абароны Рэспублікі Беларусь» № 9 (верасень) за 2023 г.

З друку выйшаў вераснёўскі выпуск «Бюлетэня Міністэрства працы і сацыяльнай абароны Рэспублікі Беларусь». Нумар «Бюлетэня» сфармавалі інфармацыя і публікацыі, падрыхтаваныя спецыялістамі ў галіне працоўных і звязаных з імі адносін і якія адлюстроўваюць найбольш важныя і цікавыя падзеі ў гэтай сферы. Гэтым разам на старонках «Бюлетэня» прадстаўлены такія тэматычныя рубрыкі, як:

«Актуальна»
«Працоўны час»
«Дзяржаўнае сацыяльнае страхаванне»
«Персаніфікаваны ўлік» і іншыя.

АКТУАЛЬНА

У рубрыцы «Актуальна» размешчаныкаментар «Сацыяльнае абслугоўванне і сацыяльныя выплаты: якіх змяненняў чакаць»: член Пастаяннай камісіі па працы і сацыяльных пытаннях Палаты прадстаўнікоў Нацыянальнага сходу Рэспублікі Беларусь Ірына Супрановіч распавядае пра навацыі праекта Закона Рэспублікі Беларусь «Аб змяненні законаў па пытаннях сацыяльнага абслугоўвання і сацыяльных выплат».

ПРАЦОЎНЫ ЧАС

Пад гэтай рубрыкай у «Бюлетэні» апублікаваны артыкул «Аб працоўным часе ў IV квартале 2023 года». Матэрыял змяшчае разліковую норму працоўнага часу на кастрычнік-снежань 2023 г. пры поўнай норме працоўнага часу 40 гадзін у тыдзень і пры скарочанай норме працоўнага часу (35 гадзін, 33 гадзіны, 30 гадзін і 38,5 гадзіны ў тыдзень), усталяванай для асобных катэгорый работнікаў, з улікам выходных дзён у суботу і нядзелю (для пяцідзённага працоўнага тыдня) і ў нядзелю (для шасцідзённага працоўнага тыдня). Акрамя разліковай нормы працоўнага часу аўтар артыкула прапануе чытачам свае рэкамендацыі і каментары ў частцы таго, як з захаваннем патрабаванняў заканадаўства прымяняць на практыцы некаторыя прававыя нормы аб працоўным часе.

ДЗЯРЖАЎНАЕ САЦЫЯЛЬНАЕ СТРАХАВАННЕ

Матэрыялы рубрыкі ўключаюць пастанову праўлення Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь ад 18 жніўня 2023 г. № 10 «Аб парадку ўзаемадзеяння пры прызначэнні дапамог па часовай непрацаздольнасці і па цяжарнасці і родах», а таксама вялікую падборку адказаў на пытанні па тэматыцы рубрыкі, падрыхтаваную пастаяннымі аўтарамі «Бюлетэня»(«Дакладны адказ»).

ПЕРСАНІФІКАВАНЫ ЎЛІК

У артыкуле «Аб зменах у запаўненні формы ПУ-3 «Індывідуальныя звесткі» распавядаецца аб тым, як карэктуюцца патрабаванні да запаўнення рэквізітаў раздзелаў 1 і 2 формы ПУ-3 з уступленнем у сілу пастановы праўлення Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь ад 18 жніўня 2023 г. № 11.

І, вядома, у свежым нумары «Бюлетэня» можна знайсці іншыя інфармацыйныя матэрыялы і паведамленні, у тым ліку «Стужку навін» і «Агляд нарматыўных прававых актаў», якія ўвабралі ў сябе цікавыя і карысныя навіны са сферы сацыяльна-працоўных адносін.

Усе навіны